Baş səhifə
REYİN TARİXİ | Baxış: 1338 | Tarix: 2013.07.11

 

 REYİN TARİXİ

Rey İranın qədim məntəqələrindən biridir. Reydəki abidələr miladdan əvvəl dördüncü minilliyə aid edilir və qədimilik baxımından iki hissəyə bölünür: 1. "Reye-bərrin" və ya "Reye-Ulya" (yuxarı Rey) adlanan qədim Rey. Şəhərin bu hissəsi islamdan öncə tikilmiş böyük bir hasarın arasında, Əli bulağının cənubunda yerləşirdi. 2. Sonuncu yüzilliklərə aid olan "Reye-zirin" və ya "Reye-sufla" (aşağı Rey) adlanan hissə. Bu hissə əvvəlki hissənin, yəni yuxarı Reyin cənub-şərqində və "Bibi-Şəhrəbanu" dağının cənubunda yerləşir. Təqribən miladdan 300 il əvvəl "Selekos", "Uruyus" adını Reyə qoydu. "Əşkanilər"in dövründə bu ad dəyişilib "Ərsakiya" və "Ərəşkiyyə" oldu. Sasanilərin hakimiyyəti zamanı "Rey" adını aldı. Bu şəhərin əhalisi islam qoşunlarının şəhərə daxil olması ilə islamı qəbul etdilər. İlkin dövrlərdə onların əksəriyyəti əhli-təsənnün idi, lakin hicrətin ikinci yüzilliyinin birinci yarısında şiə məzhəbini qəbul etdilər. İslamın hakimiyyəti zamanı Rey Bəni Üməyyə liderlərinin sığınacağına çevrildi. Bu şəhər məzhəbi qarşıdurmalardan çox ziyan görmüşdü. 617-ci (h.q.) ildə monqolların hücumuna məruz qaldı və əhali kütləvi şəkildə qılıncdan keçirildi. Bu qırğının nəticələri aradan qalxmamış 786-cı (h.q.) ildə Teymurun qoşunu tərəfindən viranəyə çevrildi və bundan sonra Rey abadlıq üzü görmədi. Müasir Reyin yaxınlığında qədim Reyin viranələri hələ də qalmaqdadır. Reyin tarixi abidələri Bu şəhərin qədim tarixi abidələri kimi, Əli bulağının üstündə yerləşən Əşkanilər sarayının xarabalıqlarını, Sərsərə dağı üzərində Sasanilərdən qalma daş rəsmlərini, Reyin Əminabad hissəsində yerləşən Bibi Şəhrəbanu türbəsini, Toğrul bürcünü, ibn Babəveyh türbəsini, Misgərabad dağının ətəyində yerləşən Harun ər-Rəşid zindanını, imam Həsənin (ə) övladlarından olan həzrət Əbdüləzimin (ə) hərəmini, həzrət imam Rizanın (ə) qardaşı imamzadə Həmzənin türbəsini və imam Səccadın (ə) övladlarından olan imamzadə Tahirin hərəmini misal kimi göstərmək olar.

HƏZRƏT ƏBDÜLƏZİMİN (Ə) HƏYATI

Əbdüləzim ibn Əbdullah Həsəni (ə) ikinci imam Həsən ibn Əlinin (ə) nəslindəndir. O, pak, təqvalı bir alim, imam Cavad (ə) və imam Hadinin (ə) səhabələrindən və o iki imamın etibar etdiyi ravilərdən olmuşdur. Bu böyük imam övladının mübarək məzarı Rey şəhərində tanınmış ziyarətgahdır. Onun barəsində belə bir hədis mövcuddur: "Rey əhalisindən bir nəfər imam Hadinin (ə) hüzuruna getdi. İmam ondan soruşdu: "Haradan gəlirsən?" Dedi: "Həzrət Əbu Əbdullah Hüseynin (ə) ziyarətindən gəlirəm." İmam buyurdu: "Elə yaxınlığınızda yerləşən Əbdüləzimin qəbrini ziyarət etsəydin Hüseynin (ə) qəbrini ziyarət etmiş şəxsin savabını qazanmış olardın." Həzrət Əbdüləzimdən (ə) belə nəql olunur: Həzrət Cavada (ə) ərz etdim: "Ey Rəsulallahın övladı, mənə alicənab babalarından bir hədis nəql buyur. İmam buyurdu: "Nə qədər ki, camaat fərqlidirlər xeyir və xoşluqla yaşayacaqlar və elə ki, hamı bir-birilə bərabər oldular məhv olacaqlar." Ərz etdim: Bundan artıq buyurun! Buyurdu: "Atam babalarından Əmir əl-mömininin (ə) belə buyurduğunu söylədi: "Bir-birinizin sirrini bilsəniz, bir-birinizin cənazəsini dəfn etməyəcəksiniz." Dedim: "Bundan artığını buyurun!" Buyurdu: "Atam babalarımdan Əmir əl-mömininin (ə) belə buyurduğunu nəql etdi. Var-dövlətinizlə bütün camaatı özünüzdən razı edə bilmirsinizsə, əxlaqınızla hamıya yaxşılıq edin." Beləliklə, mən əlavə hədis istəyirdim, imam da mənə hədis nəql edirdi. Nəql olunur ki, həzrət Əbdüləzim öz əqidələrini həzrət imam Hadiyə (ə) bir-bir söylədi və əqidələrinin necə olduğunu soruşdu. İmam onun bütün əqidələrini təsdiq edərək buyurdu:

يا ابالقاسم هذا و الله دين الله الذي ارتضاه لعباده فاثبت عليه ثبتك الله بالقول الثابت في الدنيا و الاخرة "

Ey Əbülqasim, and olsun Allaha ki, Allahın dini bəndələri üçün bəyəndiyi və razı qaldığı dindir. Elə isə bu əqidədə sabit şəkildə qal. Allah səni dünya və axirətdə sabit əqidəyə sahib etsin." Nəcaşi Bərqidən belə nəql edir: "Həzrət Əbdüləzim öz əsrinin hakimiyyəti tərəfindən təqibə məruz qaldığından Rey şəhərinə pənah aparıb Sikkət ül-Məvali küçəsində əhli-beyt tərəfdarlarının birinin zirzəmisində yaşayır və çox vaxt ibadətə məşğul olurdu. Gündüzləri oruc tutur, gecələri isə namaz qılırdı. Bəzən isə hazırda onun öz qəbrinin yanında yerləşən bir məzarı ziyarət edərək buyururdu: Bu, imam Musa ibn Cəfərin övladlarından biridir." O cənabın Reydə məskən salması xəbəri yavaş-yavaş yayılmağa başladı və əhli-beyt tərəfdarları onu tanıdılar. Həmin ərəfədə bir nəfər şəxs həzrət Peyğəmbəri (s) yuxuda gördü. Həzrət ona belə buyurdu: "Mənim övladlarımdan birinin cəsədi Sikkət ül-Məvali küçəsindən daşınıb Əbdülcabbar ibn Əbdülvəhhabın evinin qapısı ağzında yerləşən alma ağacının yanında basdırılacaq." Sonra o Həzrət Əbdüləzimin dəfn olunduğu yerə işarə etdi. Həmin şəxs yuxudan oyandı və həmin yeri satın almaq üçün bağ sahibinin yanına getdi. Bağ sahibi ondan bu bağı niyə aldığını soruşdu. Həmin şəxs öz yuxusunu ona danışdı. Bağ sahibi dedi: "Mən də belə bir yuxu görmüşəm və bu bağı bütövlükdə o seyyid üçün vəqf etmişəm, digər şiələr də öz ölülərini orada basdıra bilərlər." Bu hadisədən sonra həzrət Əbdüləzim xəstələndi və vəfat etdi. O cənaba qüsl vermək üçün soyundurarkən cibindən bir şəcərə tapdılar. Həmin şəcərədə öz əsl-nəsəbini bu şəkildə yazmışdı: Mən Əbutalib oğlu Əlinin oğlu Həsənin oğlu Zeydin oğlu Həsənin oğlu Əlinin oğlu Əbdullahın oğlu Əbulqasim Əbdüləziməm. Sahib ibn Əbbad Ruyanidən belə bir hədis nəql edir: "Əbu Həmmad Razi deyirdi: Samirra şəhərində onuncu imam Əli ən-Nəqinin (ə) hüzuruna gedib halal-harama aid bir neçə məsələ soruşdum. Həzrət suallarıma cavab verdi və vidalaşarkən mənə buyurdu: Ey Həmmad, dini məsələlərdə müşkülün olsa, Əbdüləzim ibn Əbdullah Həsənidən soruş və mənim salamımı ona yetir." Mühəqqiq Damad "Rəvasih" kitabında yazır ki, Əbdüləzimi ziyarət etməyin fəziləti və savabı barədə çoxlu hədislər vardır və hətta hədisdə nəql olunmuşdur ki, onun qəbrini ziyarət edən kəsə behişt vacib olar.

HƏZRƏT ƏBDÜLƏZİMİN (Ə) ZİYARƏTNAMƏSİ

Hacı Şeyx Abbas Qumi yazır: Fəxr əl-Muhəqqiqin Ağa Cəmaləddin "Məzar" kitabında yazır: O cənabı belə ziyarət etmək münasibdir:

اَلسَّلامُ عَلى آدَمَ صَفْوَةِ اللهِ، اَلسَّلامُ عَلى نُوح نَبِىِّ اللهِ، اَلسَّلامُ عَلى اِبْراهيمَ خَليلِ اللهِ، اَلسَّلامُ عَلى مُوسى كَليمِ اللهِ، اَلسَّلامُ عَلى عيسى رُوحِ اللهِ، اَلسَّلامُ عَلَيْكَ يا رَسُولَ اللهِ، اَلسَّلامُ عَلَيْكَ يا خَيْرَ خَلْقِ اللهِ، اَلسَّلامُ عَلَيْكَ يا صَفِىَّ اللهِ، اَلسَّلامُ عَلَيْكَ يا مُحَمَّدَ بْنَ عَبْدِ اللهِ خاتَمَ النَّبِيّينَ، اَلسَّلامُ عَلَيْكَ يا اَميرَ الْمُؤْمِنينَ عَلِىَّ بْنَ اَبى طالِب وَصِىَّ رَسُولِ اللهِ، اَلسَّلامُ عَلَيْكِ يا فاطِمَةُ سَيِّدَةَ نِساءِ الْعالَمينَ، اَلسَّلامُ عَلَيْكُما يا سِبْطَىْ نَبِىِّ الرَّحْمَةِ وَسَيِّدَىْ شَبابِ اَهْلِ الْجَّنَةِ، اَلسَّلامُ عَلَيْكَ يا عَلىَّ بْنَ الْحُسَيْنِ سَيِّدَ الْعابِدينَ وَقُرَّةَ عَيْنِ النّاظِرينَ، اَلسَّلامُ عَلَيْكَ يا مُحَمَّدَ بْنَ عَلِىٍّ باقِرَ الْعِلْمِ بَعْدَ النَّبِىِّ، اَلسَّلامُ عَلَيْكَ يا جَعْفَرَ بْنَ مُحَمَّد الصّادِقَ الْبارَّ الاَْمينَ، اَلسَّلامُ عَلَيْكَ يا مُوسَى بْنَ جَعْفَر الطّاهِرَ الطُّهْرَ، اَلسَّلامُ عَلَيْكَ يا عَلِىَّ بْنَ مُوسَى الرِّضا الْمُرْتَضى، اَلسَّلامُ عَلَيْكَ يا مُحَمَّدَ بْنَ عَلِىٍّ التَّقِىَّ، اَلسَّلامُ عَلَيْكَ يا عَلِىَّ بْنَ مُحَمَّد النَّقِىَّ النّاصِحَ الاَْمينَ، اَلسَّلامُ عَلَيْكَ يا حَسَنَ بْنَ عَلِىٍّ، اَلسَّلامُ عَلَى الْوَصىِّ مِنْ بَعْدِهِ، اَللّـهُمَّ صَلِّ عَلى نُورِكَ وَسِراجِكَ وَوَلِىِّ وَلِيِّكَ وَوَصِىِّ وَصِيِّكَ، وَحُجَّتِكَ عَلى خَلْقِكَ، اَلسَّلامُ عَلَيْكَ اَيُّهَا السَّيِّدُ الزَّكِىُّ وَالطّاهِرُ الصَّفِىُّ اَلسَّلامُ عَلَيْكَ يَا بْنَ السّادَةِ الاَْطْهارِ اَلسَّلامُ عَلَيْكَ يَا بْنَ الْمُصْطَفينَ الاَْخْيارِ اَلسَّلامُ عَلى رَسُولِ اللَّهِ و عَلى ذُرِّيَّةِ رَسُولِ اللَّهِ وَرَحْمَةُ اللَّهِ و بَرَكاتُهُ اَلسَّلامُ عَلَى الْعَبْدِ الصّالِحِ الْمُطيعِ لِلَّهِ رَبِّ الْعالَمينَ وَلِرَسُولِهِ وَلاَِميرِ الْمُؤْمِنينَ اَلسَّلامُ عَلَيْكَ يا اَبَا الْقاسِمِ ابْنَ السِّبْطِ الْمُنْتَجَبِ الْمُجْتَبى السَّلامُ عَلَيْكَ يا مَنْ بِزِيارَتِهِ ثَوابُ زِيارَةِ سَيِّدِ الْشُّهَدآءِ يُرْتَجى اَلسَّلامُ عَلَيْكَ عَرَّفَ اللهُ بَيْنَنا وَبَيْنَكُمْ فِى الْجَنَّةِ، وَحَشَرَنا فى زُمْرَتِكُمْ وَاَوْرَدَنا حَوْضَ نَبِيِّكُمْ، وَسَقانا بِكَأسِ جَدِّكُمْ مِنْ يَدِ عَلِىِّ بْنِ اَبى طالِب صَلَواتُ اللهِ عَلَيْكُمْ اَسْأَلُ اللهَ اَنْ يُرِيَنا فيكُمُ السُّرُورَ وَالْفَرَجَ، وَاَنْ يَجْمَعَنا وِاِيّاكُمْ فى زُمْرَةِ جَدِّكُمْ مُحَمَّد صَلَّى اللهُ عَلَيْهِ وَآلِهِ، وَاَنْ لا يَسْلُبَنا مَعْرِفَتَكُمْ اِنَّهُ وِلِىٌّ قَديرٌ، اَتَقَرَّبُ اِلَى اللهِ بِحُبِّكُمْ وَالْبَرائَةِ مِنْ اَعْدائِكُمْ، وَالتَّسْليمِ اِلَى اللهِ راضِياً بِهِ غَيْرَ مُنْكِر وَلا مُسْتَكْبِر وَعَلى يَقين ما اَتى بِهِ مُحَمَّدٌ وَبِهِ راض، نَطْلُبُ بِذلِكَ وَجْهَكَ يا سَيِّدى اَللّـهُمَّ وَرِضاكَ وَالدّارَ الاْخِرَةَ، يا سَيِّدى وَابْنَ سَيِّدى اشْفَع لى فى الْجَنَّةِ فَاِنَّ لَكَ عِنْدَ اللهِ شَأناً مِنَ الشَّأنِ، اَللّـهُمَّ اِنّى اَسْاَلُكَ اَنْ تَخْتِمَ لى بِالسَّعادَةِ فَلا تَسْلُبْ مِنّى ما اَنـَا فيهِ وَلا حَوْلَ وَلا قُوَّةَ اِلاّ بِاللهِ الْعَلِىِّ الْعَظيمِ، اَللّـهُمَّ اسْتَجِبْ لَنا وَتَقَبَّلْهُ بِكَرَمِكَ وَعِزَّتِكَ وَبِرَحْمَتِكَ وَعافِيَتِكَ، وَصَلَّى اللهُ عَلى مُحَمَّد وَآلِهِ اَجْمَعينَ وَسَلَّمَ تَسْليماً يا اَرْحَمَ الرّاحِمينَ .

Əssəlamu ’əla Adəmə səfvətillah.

Əssəlamu ’əla Nuhin nəbiyyillah

. Əssəlamu ’əla İbrahimə xəlilillah.

Əssəlamu ’əla Musa kəlimillah.

Əssəlamu ’əla ’İsa ruhillah.

Əsəlamu ’ələykə ya Rəsuləllah.

Əssələmu ’ələykə ya xəyrə xəlqillah.

Əssəlamu ’ələykə ya Səfiyyəllah.

Əssəlamu ’ələykə ya Muhəmmədəbnə Əbdillahi xatəmən-nəbiyyin.

Əssəlamu ’ələykə ya Əmirəl-mu’mininə Əliyyəbnə Əbitalibin vəsiyyə Rəsulillah.

Əssəlamu ələyki ya Fatimətu səyyidətə misail-aləmin.

Əssəlamu-ələykuma ya sibtəyir-rəhməti və səyyidəy şəbabi əhlil-cənnəh.

Əssəlamu ’ələykə ya Əliyyəbnəl-Husəyni Səyyidəl-abidinə və qurrətə əynin-nazirin.

Əssəlamu ’ələykə ya Muhəmmədəbnə Əliyyin Baqirəl-ilmi bə’dən-nəbiyy.

Əssəlamu ’ələykə ya Cə’fərəbnə Muhəmməd. Əs-Sadiqəl-Barrəl-Əmin.

Əssəlamu ’ələykə ya Musəbnə Cə’fər. Ət-Tahirət-Tuhr.

Əssəlamu ’ələykə ya Əliyyəbnə Musər-Rizəl-Murtəza.

Əssəlamu ’ələykə ya Muhəmmədəbnə Əliyy. Ət-Təqiyy.

Əssəlamu ’ələykə ya Əliyyəbnə Muhəmməd. Ən-Nəqiyyən-Nasihəl-Əmin.

Əsəlamu ’ələykə ya Həsənəbnə Əliyy.

Əssəlamu ələl-vəsiyyi min bə’dih.

Əllahummə səlli ’əla nurikə və siracik. Və vəliyyi vəliyyikə və vəsiyyi vəsiyyikə və huccətikə ’əla xəlqik.

Əssəlamu ’ələykə əyyuhəs-səyyiduz-zəkiyyu vət-tahirus-səfiyy.

Əsəlamu ’ələykə yəbnəs-sadətil-əthar.

Əssəlamu ’ələykə yəbnəl-mustəfəynəl-əxyar.

Əssəlamu ’əla Rəsulillahi və ’əla zurriyyəti Rəsulillahi və rəhmətullahi və bərəkatuh.

Əsəlamu ələl-əbdis-salihil-mutii lillahi Rəbbil-aləminə və lirəsulihi və li Əmiril-muminin.

Əssəlamu ’ələykə ya Əbəlqasim. İbnəs-sibtil-muntəcəbil-Muctəba.

Əssəlamu ’ələykə ya mən biziyarətihi səvabu ziyarəti Səyyidiş-şuhədai yurtəca.

Əssəlamu ’ələykə ərrəfəllahu bəynəna və bəynəkum fil-cənnəti və həşərəna fi zumrətikum və əvrədəna həvzə nəbiyyikum və səqana bikə’si cəddikum min yədi Əliyyibni Əbitalibin sələvatullahi ələykum. Əs’əlullahə ən yuriyəna fikumus-sururə vəl-fərəcə və ən yəcməəna və iyyakum fi zumrəti cəddikum Muhəmmədin səlləllahu ələyhi və alih. Və ən la yəslubəna mə’rifətəkum. İnnəhu Vəliyyun Qədir. Ətəqərrəbu iləllahi bihubbikum vəl-bəraəti min ’ədaikum vət-təslimi iləllahi raziyən bihi ğəyrə munkirin və la mustəkbirin və ’əla yəqini ma əta bihi Muhəmmədun nətlubu bizalikə vəchəkə ya Səyyidi. Əllahummə və rizakə vəd-darəl-axirəh. Ya səyyidi vəbnə səyyidi. İşfə’li fil-cənnəh. Fəinnə ləkə indəllahi şə’nən minəş-şə’n. Əllahummə inni əs’əlukə ən təxtimə li bis-səadəti fəla təslub minni ma ənə fihi və la həvlə və la quvvətə illa billahil-Əliyyil-Əzim. Əllahumməstəcib ləna və təqəbbəlhu bikərəmikə və izzətikə və birəhmətikə və afiyətik. Və səlləllahu ’əla Muhəmmədin və alihi əcməinə və səlləmə təslimən ya Ərhəmərrahimin. Salam olsun Allahın peyğəmbəri Nuha! Salam olsun Allahın dostu İbrahimə! Salam olsun Allahın həmsöhbəti Musaya! Salam olsun Allahın Ruhu İsaya! Salam olsun sənə, ey Allahın rəsulu! Salam olsun sənə, ey Allahın məxluqatının ən yaxşısı! Salam olsun sənə, ey Allahın seçilmişi! Salam olsun sənə, ey peyğəmbərlərin sonuncusu Muhəmməd ibn Əbdullah (s)! Salam olsun sənə, ey Allahın Rəsulunun canişini Əmir əl-möminin Əli ibn Əbutalib! Salam olsun sənə, ey aləmlərin qadınlarının seyyidəsi (xanımı) Fatimə! Salam olsun iki cənaba (Həsən (ə) və Hüseynə (ə)). Ey rəhmət nəbisinin nəvələri və Cənnət əhlinin cavanlarının ağaları! Salam olsun sənə, ey abidlərin ağası və bəsirət əhlinin gözünün işığı Əli ibn Hüseyn! Salam olsun sənə, ey Peyğəmbərdən sonra elm sirlərinin hasarını dağıdıb yol açan Muhəmməd ibn Əli əl-Baqir! Salam olsun sənə, ey xeyirxah, doğruçu və əmanətdar Cəfər ibn Muhəmməd əs-Sadiq! Salam olsun sənə, ey pak və pakizə Musa ibn Cəfər əl-Kazim! Salam olsun sənə, ey təslim və riza məqamına sahib Əli ibn Musa Riza! Salam olsun sənə, ey Muhəmməd ibn Əli ət-Təqi! Salam olsun sənə, ey nəsihətçi və əmanətdar Əli ibn Muhəmməd ən-Nəqi! Salam olsun sənə, ey Həsən ibn Əli! Salam olsun ondan sonrakı vəsiyyə (canişinə)! Pərvərdigara, salavat göndər Öz parlaq nuruna və çırağına. O imama ki, Sənin vəliyyinin vəlisi, canişininin canişini və Sənin xəlqinə Sənin höccətindir. Salam olsun sənə, ey səfalı, pak və təzkiyə olunmuş nəfsə malik olan alicənab seyyid! Salam olsun sənə, ey pak rəhbərin övladı! Salam olsun sənə, ey seçilmişlərin və xeyirxahların övladı! Salam və Allahın rəhməti və bərəkətləri olsun Allahın Rəsuluna və Allah Rəsulunun övladlarına. Salam olsun, aləmlərin Rəbbi olan Allaha, onun Rəsuluna və Əmir əl-mömininə itaət edən Allahın ləyaqətli və saleh bəndəsinə! Salam olsun sənə, ey Allahın seçilmiş bəndəsi (böyük) Sibt Müctəbanın oğlu Əbülqasim! Salam olsun sənə, ey ziyarətində seyyid üş-şuhədanın ziyarətinin savabı olunan şəxs! Salam olsun sənə! Allah-Təala bizimlə sizin aranızda Cənnətdə tanışlıq yaratsın, bizi sizin zümrənizdə (sıranızda) məhşur etsin (yəni Qiyamətdə sizlə birgə olaq), bizi sizin peyğəmbərinizin hovuzuna daxil etsin və bizi babanız Əli ibn Əbutalibin əlindəki camla sirab etsin. Allahın salavatı olsun sizlərə. Allahdan istəyirəm ki, siz əhli-beytin fərəc və sevincini (zəmanə imamının zühuru ilə) bizə göstərsin və bizi sizlə birlikdə babanız Muhəmməd (Allahın salavatı və salamı olsun ona və ailəsinə) peyğəmbərin zümrəsində cəm etsin və sizin mərifətinizi (tanımağınızı) əsla bizim qəlbimizdən çıxarmasın. Həqiqətən, O, səltənətli və qüdrətli Məbuddur. Mən Allaha sizin məhəbbətiniz və düşmənlərinizdən bəraətlə (bizar olmaq, imtina, nifrət) yaxınlaşıram. Allahın əmrinə təsliməm, inkar edən və təkəbbürlü halda deyil (Onun əmrinə) razı olduğum halda və Allah tərəfindən Muhəmmədə (s) vəhy olunanlara yəqinliyim olduğu halda sənə yaxınlaşıram. Bunları sənə yaxınlaşmaq üçün edirəm ey ağam! Ey Allahım, həmçinin razılığını və axirət evini istəyirəm. Ey mənim ağam və ağamın oğlu! Mənə Cənnətə daxil olmaqda şəfaətçi ol! Həqiqətən, sənin Allah yanında şənin və böyük məqamın var. İlahi, səndən diləyirəm ki, mənim aqibətimi səadətlə xətm edəsən və hal-hazırda etiqad bəslədiyim imanı məndən almayasan. Əzəmətli və uca Allahdan başqa kimsədə qüdrət və qüvvət yoxdur. İlahi, kərəminə, izzətinə, rəhmətinə və afiyətinə xatir bizim duamızı qəbul və rəva et. Allahın salavatı olsun Muhəmməd və onun bütün əhli-beytinə. Ey Allah, ey rəhm edənlərin ən mərhəmətlisi!

Redaktor: Nəcəf